•IiI[.•[[احلا الكلام]]•.]IiI•.

Options ▼
- Language
- English
Help


ترى لا انته ولا غيرك --- ولا عشرة من اشكالك

واذا قصدك تهين اسمي عشـان تشمـت العـذال

ولا --- وابشر بعد بهبال حب ٍ ما هـو بهبالـك

اذا حبك هبال اطفال لـك عنـدي هبـال اطفـال

أبي تسمع كلامـي زيـن وتحطـه علـى بالـك

نصيحة واحتفظ فيها قصر معك الزمـن أو طـال

أبيـك تـذوق فنجالـي وانـا بـذوق فنجـالـك

عشان تعرف من فينا الزعول ومن وسيـع البـال

بسوي مثل مـا شوفـك تسـوي وافعـل افعالـك

أبهديك الوصال فراق واهديـك الفـراق وصـال

أبشكي للعرب فرقـاك واضحـك عنـد عذالـك

أبرسم بالثرى وجهك وابدفـن صورتـك برمـال

بخونك وازعلك وارضيك وازعل منك وارضى لك

بلمك وانثرك واجمعك وارجـع وانثـرك باهمـال

بكون اقـرب مـن ثيابـك عليـك ولا تهيـا لـك

ببدل نظرتك فيني واجـي لـك كـل يـوم بحـال

أعود للسهر؟ -- يا خـوي فـال الله ولا فالـك!

بعـد مـا حققـت عينـي فبعـدك للرقـاد امـال

أنا صعبن علي أرضي غرورك واضعـف قبالـك

صحيح ان الفراق اقسى ولكـن الوصـال محـال

ملكته من هدب عين وخسـرت رضـاه باهمالـك

أبـي قلبـك يحـس انـه فقـد بمحبتـه رجـال

وصرت اقرب جسد يمشي معك باقفـاك واقبالـك

كأن اللي خلق حسنك خلقني مع جسـدك ظـلال

وانا شفت المطر يتبعـك فـي حلـك وترحالـك

تبعتك والعـرب تتبـع رعـود البـارق الهمـال

أخاف اخطي على طيفك وادوس برجلي ظلالـك

تخيل من كثر ما اخـاف تلقـى للزعـل مدخـال

أنا ما كنت احبك حي أنـا كنـت اعشقـك هالـك

أنا ما همت بك عاقل أنـا كنـت اعشقـك بخبـال

أنا جيت استفز رضاك مـن فرقـاك والجـا لـك

أنا جيت بظما عاشق تعب يطـرد سـراب الـلال

أنا جيت اسكنك واحياك وابقى فيك وابقـى لك

أنا جيت اعشقك نبض ومشاعر ما اعشقك (تمثال)

ترى لاني تبيـع لـك ولا نـي باصغـر عيالـك

أنـا محـدن بجابرنـي أسايـر معـك هالمنـوال

ومثل ما قد حشمتك حس واحشم قلبي اشوى لـك

مثل ما اقبلت لعيونـك لـزوم تلـد لـي باقبـال

معاك اليا متي بصبر وصبـري معـك يحلالـك؟

علامك كل ما جيـك متواضـع جيتنـي تختـال؟

رحلت من العذاب وما وقفـت الا علـى جالـك

تحملت التعب لجلـك وانـا حملـي يهـد جبـال

تقلطنـي فناجيلـك وتقـصـر عـنـي دلالــك

تمسيني علـى الهـم وتصبحنـي علـى الغربـال

حشا حتى العدو وهو العدو مـا يعمـل اعمالـك

مسوي في حياتـي شـي مـا يذكـر ولا ينقـال

وليتـك تـرأف بحالـي علشـان ارأف بحـالـك

عشان اكسب هدب عينك تجرعت العذاب اشكـال

واذا قلت اقطـع احبالـك ترانـي بقطـع حبالـك

انا عيب علي أنقـض كلامـي والرجـال افعـال

وترى ما فيه أحد يصبر مثـل صبـري بغربالـك

دخيلك وفر دموعك تـرى هـدر الدمـوع اذلال

بسامح واتركك تحـت الظـلام الحالـك لحالـك

عفا الله عن خطا غدر الخناجر والضلـوع ابطـال